5 MACAM UROE RAYA

Pengarang : Akhbar Al-Mutawassila
‎
Assalamu'alaikum, wareh syedara
Pujoe ngon puja, meuwoe keu Allah
Neubri Ya Rahim, Rahmat-sijahtra
Meubek keuh reuda, keu Rasulallah

Hajat uroe nyoe, ulon neuk rika
Keu wareh lingka, bacut peuneugah
Mudah-mudahan, jeut neucok guna
Didalam donya, Ileume meutamah

Tiyong jimeusu, meuleumpah subra
Dicong bak pala, su cukop glah
Na 5 macam, geukheun uroe raya
Seun-seun sibanja, lon cuba surah

Anas bin Malek, nyang rawi haba
Ulon peunyata, kheun Rasulallah
Uroe nyang keuphon, nabi meusabda
Tanna meudausa, keupada Allah

Siuroe punoh, Ek geujaga
Ta'at si Hamba, ingat Potallah
Matee meu-iman, nyang kedua
Nyan uroe Raya, Husnul Khatimah

Oh watee sukret, han teupeudaya
Geutinggai donya, deungon kalimah
Uroe nyang keulhe(3), dipadang Mahsya
Lam haru hara, hana sosah

Leupah bak titi, aman sentausa
Sajan aulia, Tuhan iradah
Teuma nyang keu peut (4), tamong syiruga
Keukal Baqa, teumpat nyang indah

Nyang seu-neulheuh, geukheun uroe raya
‘Oh tatap muka, deungon Allah
Hana bandengan, Dhoq geurasa
Sungoh sijahtra, meulimpah-limpah

Nakeuh Lhoksukon, di Aceh Utara
Jeut Ibukota, kabupaten meutuah
Ka leungkap surah, 5 Uroe raya
Komen beusigra, pat hana jeulah

Lon lakee idin, Akhbar Al-Mutawassila
Sira hai syahra, lon lakee meu’ah
Dua uroe teuk, ka ‘IDUL ADHA
Pat-pat na dausa, sigra tapeuglah

Cunda, 24-10-2012 M / 8 Dzulhijjah 1433 H