Cari

Subscribe:

Ads 468x60px

Pasang Iklan Anda Disini


Sunday, February 24, 2013

PEUSAN KEU DARA ATJEH

Pengarang : Agam Sidroe

Assalamu'alaikom, warahmatullah,,
Ummi deungoen yah, ATJEH mulia,,
Dusoen ngoen kuta, rata wilayah,,
Bandum daerah, sigeo loen sapa,,

Takaloen fakta, meumacam ulah,,
Ureung meu peugah, nibak media,,
Payah toep muka, ngoen situek teuplah,,
Seuramoe makkah, kana soe noda,,

Gata e dara, mahkota ceudah,,
Jaga meutuah, marwah bangsa,,
Beuna ta kira, jasa ma ngeon yah,,
Meu susah payah, gata geu jaga,,

Bek tajak noda, seuramoe makkah,,
Nanggroe yang meugah, bek ta peuhina,,
Bek tajak tuka, saboeh bu kulah,,
Deungoen bu tamah, yang tan meuharga,,

Bek lam paya, gata meu ilah,,
Bekle meuramah, dalam buet zina,,
Bek si umu masa, atra di jarah,,
Koen barang mudah, tuka beulanja,,

Kiban keu bala, dua ribee dua blah,,
Manteong seujarah, muat berita,,
Pakoen ta pinta, meunan lom ulah,,
Peu golom puah, bala yang kana,,

Na yang hana ma, sidroe lam ie bah,,
Na yang mate yah, buet ie raya ba,,
Saboeh keuluarga, manyet tan leumah,,
Manteong meutuah, meunan ta pinta,,

Iman ho taba, adoe meutuah,,
Kiban ngeon Allah, malee di gata,,
Pakoen lam dosa, aurat tapeuhah,,
Tajak tueng upah, peubloen mahkota,,

Pakoen tan harga, mahkota cuedah,,
Pakoen meutuah, tatem peu sewa,,
Siribe rupia, ta tuka tamah,,
Saboeh ie mirah, bebah goeb raba,,

Gisa meutuah, tawoe beu bagah,,
Yeoh manteong teuhah, golom troeh masa,,
Nyawoeng manteong na, amponan Allah,,
Dalam ibadah, taubat nasuha

1 comments:

acon ma said...

waalaikom salam teungku di jioh, saleum yg troh lon sambot sigra, wate lon baca pesan meutuah han meugrak lidah tijoh ie mata, cukop that sayang sidara ceudah barang jipeuhah publo mahkota, pakon keuh lage nyan teungku meutuah nak lon teuho punca, wate lon nasehat sidara ceudah lajuh ji bantah haba lon sigra, bek kajak peto long hai agam meutuah ma kuh ngin yah kalheuh geu aja, oh ban lon dingo meunan jiseuot laju lon surot ho laen lon gisa, mungken cit kajeut bak ma ngon yah hingga jibantah lage nyan rupa, kon salah sidara jak meukat barang mungkin cit rot nan order keluarga.

saleum Acon Ma.

Post a Comment