Pengarang : Jay Rangkang
Salam'alaikom,l oen peuphoen kalamsalem keurakan,bandum seureuta
nyoepat na rawi,bacut hai rakan
susah meulajang,uloen hareuto
leupah that susah,hudep meulajang
lage loen tuan,yang mantoeng sidroe
han soe tagun bue,uroe ngoen malam
hana soe rakan,rah baje kutoe
keubiet that saket,hudep lam lajang
kupi lam cawan,hana soe cawoe
adak pajoh bu,hana yang idang
bue dalam pingan,payah boh keudroe
han soe peulimboet,leupi oh malam
oh saket badan,uroet hana soe
hana yang semir,si patu itam
baje kroet-kroet han,hana soe pakoe
hana yang peungoen,wate oh malam
tika hai rakan,payah leung keudroe
han pue loen peugah,yang laen macam
bahkeuh hai taulan,neu boeh pham keudroe.
ohnoe bumada,loen tuleh kalam
susah meulajang,uloen peusampoe
uloen akhiri,deungoen WASSALAM
salah ngoen kurang,meu'ah keu loen nyoe.
JAY RANGKANG 10/02/2013.
0 comments:
Post a Comment