PILEH JUDOE, KAREUNA 4 PERKARA

Pengarang : Akhbar Al-Mutawassila

Deungon Bismillah, lon mula Rika
Keu Allah Ta'ala, pujoe sekalian
Keu Rasulullah, Rahmat Sijahtra
Ateuh keluarga, dan rakana-rakan

Assalamu'alaikum, mudi ngon muda
Mandum lon sapa, handai ngon taulan
Nibak uroe nyoe, didalam rika
Khusus keu syahra, nyang mantong lajang

That meucuhu, Iskandar Muda
Raja Aceh, awai hai rakan
Pileh judoe, kareuna 4 perkara
Lagee lam Sabda, Nabi nyang Khatam

Peureutama phoen, kareuna Harta
Beuteugoh syedara, bek salah faham
Ladoem harta, fitnah jiba
Bek salah kira, susah keumudian

Meunyang kedua, beu cantek rupa
Nak puah gata, uroe ngon malam
Namun cantek nyan, han kekal baqa
Meunyoe ka tuha, ka laen macam

Nasab nyang keu 3, wahee pemuda
Pileh lee gata, nak meusoe keturunan
Ladoem meucinta, ngon aneuk "Raja"
Padahai phoen teuka, mandum pangkat tan

Nyang teurakhe, kareuna Agama
Pileh hai syahra, nyang kuat iman
Geuyu lee Nabi, pilihan gata
Teuga Agama, nak keu-menangan

Pikee hai syababa, nyang ka meucinta
Tilek lee gata, atra nyang 4 nyan
Aneuk Tiyoeng, jiklik meu'a'a
Wap ka matee ma, seudih hana ban

Lon Pada oh noe, Nazam lon rika
Meunyoe lam haba, lee kesilapan
Soe keuneuk sambong, komen beu sigra
Anggap syedara, panton ta latihan

Cunda, 13 Oktober 2012

Hadist :
Dari Abu Hurairah. RA – Rasulullah telah bersabda : ”Wanita itu dinikahi karena empat hal, karena hartanya, karena kecantikannya, karena nasabnya, karena agamanya. Maka pilihlah alasan menikahinya karena