Pengarang : Akhbar Al-Mutawassila
Assalamu'alaikum, wareh ngon taulan
Nyang ka meu-iman, keu Allah Ta'ala
Lon pakat gata, beulee pujoe Tuhan
Nyang bri kenikmatan, hudep lam donya
Seulaweut Saleum, dudoe 'oh lheuh nyan
Bek tuwoe teuman, akan sayyidina
Ateuh keluarga, dan sahbat sekalian
Juga ikotan, meubek talupa
Dang-dang teungeut, di ulon tuan
Lon karang Nazam, lon atoe banja
Ahmad & Hakim, rawi perkataan
Hadist janjongan, rasul Musthafa
3 boeh golongan, ingat hai rakan
Han tamong gobnyan, dalam Syuruga
Neubaca beugot, bek salah neupham
Neucok kesimpulan, bek salah makna
Nyang galak mabok, dalam keseharian
Nakeuh ureung nyan, golongan pertama
Keu soai mabok, ka berkekalan
Sit ka hanjeut han, teutap haroh na
Peuputoh shilaturrahim, teuma 'ohlheuh nyan
Subagoe golongan, nyang numboi dua
Meuka meupakee, tanna ma'afan
Sampoe bak keturunan, peumeu'ah hana
Peubeutoi tukang sihee, keu-3 hai taulan
Nyan pih golongan, han tamong syuruga
Ladoeng teumanyoeng, atau mengeluhkan
Soai kesukaran, hudep lam donya
Watee jipeugah, pateh dan amaikan
Ureung yang meunan, akan cilaka
Bak ureung sandrong, pakon meu-iman
Peuneugah Qur an, pakon han tabaca
Nyang keuh rakan, haba renungan
3 golongan, han tamong jannata
Lon pada 'ohnoe, haba lam nazam
Pat kesalahan, peumeu'ah sigra
Lhokseumawe, 13 Februari 2013
Hadist :
"Tiga golongan yang tidak masuk Syurga ; Pecandu Minuman Keras; Pemutus Shilaturrahim; Orang yang Membenarkan Tukang Sihir" (HR. Ahmad & Al-Hakim)
Subscribe to:
Post Comments (Atom)
0 comments:
Post a Comment