Pengarang : Khairul Rul
Assalamualaikm warahmatullah,
Jaroe dua blah ateuh jeumala,
Selaweut saleum ke rasullullah,
Ke hamba Allah mandum seureuta.
Nibak bengeh nyoe ulon seu leuah,
Nibak group panah lon peu ek haba,
Nibak admin group lon lake meah,
Menye na salah ulon merika.
Nibak sibengeh lon baca kisah,
Aceh di pegah lam surat kaba,
Pergaulan bebas cukop that resah,
Menan di pegah dalam berita.
Paken keuh menoe nanggroe syariah,
pergaulan bebas lemah ngen nyata,
Kepeu adap na polisi syariah,
Pergaulan bebas dimana mana.
Wahe rakan lon boh hate ma ngen yah,
Bena ta papah budaya bangsa,
Bek ta pubut but yang larang Allah,
Pike bebagah nyoh goh troh bala.
Wahe adek lon si bungong lawah,
Jaga droe metuah bek gadoh mahkota,
Kepeu oh singeh nyesal melempah,
Bungong si ulah mebei tan le na...
Memada oh noe ulon ba kisah,
Lake bak Allah be jioh bala,
Pejioh maksit adoe metuah,
Nibah po Allah ampon ta mita....
Banda Atjeh 10 Maret 2013
Subscribe to:
Post Comments (Atom)
2 comments:
wa'alaikum salam, lon jaweub bagah
saleum siulah, cukop mulia
meuheut diulon, panton meu balah
di dlm kisah, sambog cerita
wate ta tapike, keubit that susah
serambi mekkah, ka dimeucuca
kuta dg gle, rata wilayah
hana pre meugah, dlm berita
ladom meupake, han sabe jatah
dlam mslah, bntuan teuka
ladom meusampe, nanggroe dijajah
demi rupiah, semata mata
ladom meu lonte, rata daerah
mita nafakah, siala kada
ladom buet jahe, sabe jiolah
galak sileumpah, nibak buet dosa
hana male le, han pue tapeugah
mak deungon ayah, hna geujaga
yg cukop dige, rakan meutuwah
nanggroe syariah, jijak meu cuca
sayang bukon le, seuramoe mekkah
jameun kon meugah, jithei uluwa
jinoe hana le, wahe sahabah
han pre jipeugah, dlm prohaba
islam ka reule, tan le soe papah
hukom syari'ah, tan na soe jaga
di awak kafe, jikhem meu hah-hah
jaroe di dadah, sideh diluwa
oh nan keuh dile, haba lon balah
singoh ta tambah, ujong calitra
meuah lon lake, meuyoe na salah
maklum sahabah, hantom meurika.
Post a Comment