KEUNANGAN LAM PANTON

Pengarang : Adi Gitulhoh

Wate sunami meuhayak banda
Dusoen ngoen kota ureung dum mate
Seu akan2 kiamat donya
Baroe jiteka inseuh lam hate

Rame dum sadar mudi ngoen muda
Dalam musalla meu do'a sabe
Sang han le riwang bak but yg murka
Taubat nasuha hana tom pree2

Tapi oeh ban troeh ureung USA
Bantuan jiba tika ngoen sipree
Jibi rumoeh sama dum rata
Ureung ka lupa keu Rabbol kade

Han le teu tingat pujoe Rabbana
Geucoek musalla geu ade pade
Gecoek halikoem tiek ucoeng para
Kepue lom do'a gempa hana lee

Memang that betoi khen ureung tuha
peupatah lama mantoeng meu ukee
Oeh wate saket tanyoe meu do'a
Wate na gempa meratep sabee

Seu akan bala karap lom teuka
Adeup tarasa kota dengoen glee
Hukoem syari' at tapuebuet hana
Pemimpin bangsa hana le ade

Hudep kabebas mudi ngoen muda
Bak buet yg murka soe larang tan le
Ta ue meu uem2 di ateuh honda
Sang 2 saboeh ma ureung peulahe

Taloe jalan ' aurat dibuka
Di aneuk dara hana male le
Hana le sayang utk agama
Pakoen menan gata adoe boeh hate

Bala lam nanggroe pakoen ta hawa
Kalheuh tarasa yoeh tam tum bude
Bek le uroe nyoe adoe ta pinta
Kasep yg ka ka hai Bungong pade