SIKIN 2 MATA

Pengarang : Akhbar Al-Mutawassila

Meunyoe "super", ureung guransang
Teuntee "penumpang", dhap-dhup lam dada
Takot "hana troek", nibak "tujuan"
Weuh-weuh pikiran, "sewa" dumna

Mangat "super", nyang "ketenangan"
Hana "goyang", 'oh moto geuba
Adak "ta-eh", hatee teuh seunang
Hana geuterjang, suka-suka

Keu pak super, bacut lon pesan
Jaga "keuseulamatan", "penumpang" sewa
Ladoem "aneuk miet", ladoem mantong "lajang"
Beuna neusayang, keu kamoe dumna

Meunyoe "neuba moto", lagee "aturan"
Singoh hai taulan, lom kamoe "sewa"
Teuma bila, peuleumah "garang"
Kamoe hai rakan, "moto" meutuka