Cari

Subscribe:

Ads 468x60px

Pasang Iklan Anda Disini


Sunday, February 10, 2013

KISAH MASYITAH

Pengarang : Robeth Arjun

Nabi muhammad aneuk yg yatim.
Lagi miseukin hareuta hana.
Malengkan yg na harta neukeubah.
Sidroe jariah 5 boh unta.

Saboh riwayat intan meu tat tat.
Ureung yg tabah dlm agama.
Kisah fireu'un dgn masyitah.
Yoh jaheliah bak jamen purba.

Akan masyitah lakoe ngen binoe.
Dalam meuligoe geunaseh raja.
Raja fireu'un aneuk jen beusoe.
Diyue aku droe tuhan yg esa.

Diyue khen tuhan bak rakyat nanggroe.
Seumah ngen pujoe beungeh ngen sinja.
Soe han tem pateh meuhat dikiloe.
Hana meusidroe yg jeut meudawa.

Soe han tem pateh diyue poh mate.
Zalem buken le raja ceulaka.
Gaki ngen jaroe pasoe lam rante.
Laju di gule dlm penjara.

Teukeudi tuhan nibak siuroe.
Masyitah sidroe keunek na bala.
Teungeh masyitah sugot ok putroe.
Leukang bak jaroe sugot suasa.

Masyitah neukhen astagfirullah.
Laju amarah di aneuk raja.
Teh laen tuhan di ateuh ayah.
Cuba neupegah lon deunge nyata.

Jaweb masyitah sigra le meunoe.
Dilon kupujoe tuhan yg esa.
Yg peujet langet seureta bumoe.
Yg peujet asoe segala rupa.

Ayah di gata wahe putroe ti.
Peuneujet rabbi tuhan yg esa.
Sinoe di donya raja meungki.
Akhirat bagi asoe nuraka.

Ubak fireu'un haba kasampoe.
Masyitah sidroe raya that dawa.
Ka jiseudia beulangeng busoe.
Peudep ngen tungoe apui mebura.

Awai mula phon kajitiek lakoe.
Teuma oh dudoe jitik anevknda.
Karap salah niet masyitah sidroe.
Gekalon paloe sibijeh mata.

Sinyak lam lingkue jikhen le meunoe.
Wahe poma droe bek chek chek sangka.
Masyitah jitik dalam kuali.
Hate beurani pujoe rabbana.

Memada oh no kisah masyitah.
Keulon le Allah beuneubi pahla.
Sinoe di donya beu neubi rahmat .
Uroe akhirat tameng syuruga.

Wassalam
ttd : arjun,

0 comments:

Post a Comment