Pengarang : Akhbar Al-Mutawassila
Alhamdulillah, lon pujoe Tuhan
Yang peujeut 'Alam, nyang Maha Tinggi
Rahmat Sijahtra, neubri Ya Tuhan
Ateuh janjongan, Muhammad Nabi
Assalamu'alaikum, saleum lon layang
Keu handai taulan, akhi ngon ukhti
Hajat lon rika, nasehat lam nazam
Dalam kehidupan, beujeut ta peudomani
Ladoem manusia, geubri lee Tuhan
Bacut keukayaan, ka lupa diri
Keu ureung gasien, tanlee gaseh sayang
Dalam pandangan, peuremeh ka meuhi
Meunan chit juga, pangkat ka sajan
Geubri aturan, ladoem suka hati
Hana geupakoe, meucupet bawahan
Peunteng kekuasaan, beuji akui
Nyang hana kaya, atawa jabatan
Ladoem tampan, atawa tari
Jeut keu bangga, wap rupawan
Sep paloe rakan, meutan mawas diri
Bandum atra nyan, geubri oleh Tuhan
Keupada 'abdan, nak jisyukuri
Bukon talomba-lomba, peugot pameran
Seurta hai rakan, peubangga diri
Qarun - Fir'aun, tsa'labah dan Haman
Keu contoe barang, nikmat di ingkari
Meunyesai dudoe, laba kerugian
Peusiblah meunan, meudo'a bak Rabbi
Meumada 'oh noe, haba lam nazam
Tambeh lon peunan, keu mau'idhati
Pat na salah, dan kekurangan
Peumeu'ah rijang, lon mantong mubtadi
Lhokseumawe, 12 Maret 2013
Subscribe to:
Post Comments (Atom)
0 comments:
Post a Comment