Pengarang : Tgk Diyueb Bruek
Assalammua’laikom, warahmatullah
Saleum sipatah, keunoe lon intat
Tgk diyueb bruek, keunoe troek langkah
Fadhilah bismillah, hajat lon surat
Neudeungoe beugoet, rakan meutuah
Fadhilah bismillah, neucoek keu ubat
Meunoe terjadi, deungoe lon surah
Masa khalifah, umar bin khatab
Tacoek meukeusud , saboeh seujarah
Masa khalifah, umar bin khatab
Siraja kafee, sabee meulangkah
Nibak khalifah, umar bin khatab
Ulee jih saket, nayuem sang beukah
Tuloeng kahlifah , loen neupeu ubat
Saidina umar , neujaweub bagah
Meu insya allah , neupiyoeh siat
Nibak masanyan, umar khalifah
Oen kayee indah , neucoek lee leugat
Laju neubaloet , lagee kupiah
Serta bismillah , laju neusurat
Keu ubat raja , neucoek bagah
Kupiah inda , yue su on leugat
Teuma di raja, neutanyoeng bagah
Wahai khalifah, meupue keuh ubat
Saidina umar, neujaweub pantah
Nibak kupiah , sinan talihat
Sinan tabaca , nibak kupiah
Nama po tallah, sinan talihat
Teuma di raja , baca bismillah
Suroeh khalifah, bak raja daulat
Kaji meu iman, keu po teu allah
Ule pih puleh , di raja daulat
Uleh geutanyoe, tacoek nasabah
Karna bismillah , raya hikeumat
Meuseb keuh ohnoe, yang ulon peugah
Ngoen insya allah , tuloeng hadharat
(Tgk Diyueb Bruek/Sulaiman.A.Gani )27/02/2013
Subscribe to:
Post Comments (Atom)
0 comments:
Post a Comment