TAREK PUKAT

Pengarang :  Akhbar Al-Mutawassila

Alhamdulillah, pujoe hadzarat
Nyang teuga that-that, Maha Kuasa
Seulaweut Saleum, ateuh Muhammad
Keu para sahbat, dan keluarga

Assalamu'alaikum, tanglong malakat
Saleum lon intat, jamak keu gata
Nyang meu-akai, jaweub beu Legat
Nak bek meukeumat, gata meudausa

Ladoem dalam blang, na padee leukat
Geupula rapat, dinireng padee biasa
Hajat lon rika, ureung tarek pukat
Sunggoh hek that, takalon useuha

Meuka geulaboh, geu arong bakat
Uroe kha that, geupakoe hana
Watee geutarek, ramee geupakat
2 boeh teumpat, taloe geuhila

Meunyoe raseuki, lee rhoh lam pukat
Laju u darat, geuboh lam raga
Bila hana rhoh, keubit sayang that
Meunan keuh sahbat, meujan-jan masa

Seunang ngon sosah, ureung tarek pukat
Geusaba sep brat, meung eungkot hana
Mita raseuki, jeut barangkapat
Tapi hadzarat, bek tuwoe gata

Meumada 'ohnoe, kisah lon intat
Keu para sahabat, lam donya maya
Pat na salah, atawa silap
Peumeu'ah legat, Akhbar Al-Mutawassila