15 [Limoeng Blah] boeh bala

Pengarang : Tgk Diyueb Bruek

Sabda janjongan, nabi hareutoe
Limoeng blah bagoe, neupeutroen bala
Seubab neupeutroen , bala u bumoe
Limoeng blah bagoe , buet manusia

yang phoen meurampoek , didalam nanggroe
lee tuhan sidroe , neupeutroen bala
dua meu utang, zakeut han jiboh
sabe meutanggoeh , singoeh ngoen lusa

Keu lhee meujudi , di dalam nanggroe
Nyan pih hai adoe , neu peutroen bala
Peut ureung agam, pateh isteri
Limoeng hai akhi, beunci saudara

nam daroehaka, keupada ibu
tujoeh hai tungku, beunci keu bapa
keulapan ureueng, yang peurayek droe
di dalam nanggroe , goeb dipeuhina

Sikureung raja , peuhina rakyat
Siploeh hai sahbat, meu upat gata
Siblah meudengki , sabe iseulam
Dua blah taulan , ngui ija sutra

lhee blah meukawen, jeuname han jibri
inoeng jitaki , hana meuh peuha
peut blah aneuk dara, jeut keu peunyanyi
lam hadist nabi , meunan calitra

Yang keu limoeng blah, ka permainan
Miseu piasan , meusuka ria
Lam hadist nabi , meunan hai tungku
Bukoen palsu, nareit kamoe calitra

di dalam kitab , jeut tungku jak eu
kamoe hai tungku, bukon dusta
nama kitab nyan , jawalet jawaher
nyan hadist nabi , meunyang peunyata

Bab yang keu tujoeh,, lumboe 24
Meunan meukeusud, jeut neupeunyata
Dile tsunami, neubri le allah
Jinoe seulawah, status waspada
Meunyoe beureutoeh, gunoeng seulawah
Aceh musibah, kali keudua
Seubab salah droe, tuwoe keu allah
Neubri musibah, meuganda ganda

Sabe lam maksiet, seuramoe meukah
Sabe roe darah, sama sibangsa
meumantoeng judi, kropsi tiep saah
preh laknat allah, neupeutroen bala

( tgk diyueb bruek/sulaiman, a.gani ) 13/01/2013