Bek lee dilua, tamoeng u dalam
Bek seugan-seugan, neupeudeuh muka
Kamoe syedara, chiet meu-pangkat tan
Bacut lon tanyoeng, Daripat neuteuka
Nyompat ie lon ba, beuseurta Timphan
Lon lakee meu’ah, kon asoe kaya
Timphan biasa, hana persiapan
Lon lakee meu’ah, kon asoe kaya
Timphan biasa, hana persiapan
Ngoen peu neuteuka, wahee syedara
Peukeuh goen kuda, atawa geuritan
Meunyoe neulangkah, deungoen Honda
Parkir beusigra, Bek neu-toep jalan
Admin blog PANAH, kon ureung kaya
Maklum Saudara, Kipah kamoe tan
Blog dikamoe, “RANGKANG ” ka tuha
Diteungoh Blang Raya, listrek kamoe tan
Kamoe pajoh bu, kadang ngoen sira
Jareung meurasa, sie nyang geu-reundang
ie kamoe jeb, kadang ngoen saka
Siroep Marqisa, kamoe tu’oh han
Didalam blog nyoe, meuka neuteuka
Panton neubaca, bek seugan-seugan
Syarat utama, neu"like" sigra
Oh lheuh nyan teuma, hargai pengarang
Saleum bak kamoe, khusus keu gata
Ka tameu-syedara, Wahee Ee rakan
Meu-panyang umu, dan na kuasa
Di Alam nyata, peugot pertemuan
Jareung meurasa, sie nyang geu-reundang
ie kamoe jeb, kadang ngoen saka
Siroep Marqisa, kamoe tu’oh han
Didalam blog nyoe, meuka neuteuka
Panton neubaca, bek seugan-seugan
Syarat utama, neu"like" sigra
Oh lheuh nyan teuma, hargai pengarang
Saleum bak kamoe, khusus keu gata
Ka tameu-syedara, Wahee Ee rakan
Meu-panyang umu, dan na kuasa
Di Alam nyata, peugot pertemuan
Silahkan neurika, lon preh jawaban
Meuhan neubalah, wahee syedara
Lon anggap gata, ka hana sopan
TTD
Admin
0 comments:
Post a Comment