Pengarang : Akhbar Al-Mutawassila
Deungon Bismillah,lon mula rika
Keu Allah Ta'ala, Pujoe hai rakan
Seulaweut Saleum, keu Rasul Mustafa
Ateuh keluarga, sahbat seukalian
Assalamu'alaikum, tuha ngoen muda
Mandum syedara, fi kulli makan
Bacut lam Nazam, lon pasoe haba
Mau'idhan lon ba, keu handai taulan
Pabrek seumen, sideh di LhokNga
PT KKA, hana harapan
Gadoh 4 macam, kareuna 4 perkara
Meunan lam sabda, Nabi nyang khatam
Gadoeh AKAI, wahee syedara
'Oh BEUNGEH teuka, gura hana ban
Gadoh kontrol, bak peugah haba
Dudoe teuma, baroe peunyeusalan
Teuma DEUNGKI, jipeu gadoeh AGAMA
Meubek Syedara, geutanyoe meunan
Beuseunang hatee, keupada syedara
Meunyoe Allah Ta'ala, Geubri keunikmatan
Peu ji'oh TAMAK, jeut-jeut kutika
Nak bek syedara, MALEE jikuran
Meubek taharok, beu raya-raya
Pulom hareuta, hana meu'oh ban
Nyang teurakher, AMAI SHALIHA
Gadoeh chiet teuma, ngon GHIBAH rakan
Keupu tapeugah, nyang hana-hana
Tanyoe seuranta, nak malee Taulan
Ticem keudidi, ateuh bak pala
Gadoeh meudoda, seunang hana ban
Lon peusep oh noe, haba lon rika
Nak mudah syedara, geucok kesimpulan
Lhokseumawe, 10-10-2012
Subscribe to:
Post Comments (Atom)
0 comments:
Post a Comment