KA TUWOE KEU TSUNAMI

Pengarang : Tgk Diyueb Bruek

Alhamdulillah, Kalam Mulai
Lon pujoe Rabbi, Sidroe yang Esa
Ngoem Rahman Rahim, Sifuet Ilahi
Keu Hamba Geubri, Ban Hajat Pinta

Seulawuet Saleum, Ohlhuehnyan lagi
Pang Ule Nabi, Khatam Ambiya
Yang bri Syafaat, Bak ule titi
Liwa ul-Hamdi, Payoeng Maulana

Samboet Saleum lon, Tangloeng Kudangdi
Bandum lon bagi, hana meubeda
Kareuna Saleum, Sunat Khuen Nabi
Wajeb meuseuti, jawueb le gata

Hajat lon Kisah, Mustika lon bri
Tuwoe Tsunami, Hajat lon Rika
Takalon bak buet, khuluk ngoen dali
Sang goh terjadi, Tsunami teuka

Pada hai dile, wate Tsunami
Sang sang keu Rabbi, hanle jilupa
Sembahyang tan pre, Takoet Tsunami
Tanle peuduli, Cinta keu Donya

Jimoe meu 'a'a , watee tsunami,
Jiklik meu 'i'i , watee troeh geumpa
Jinoe ka tuwoe, kisah Tsunami
Ka lom buet keuji, jinoe keurija

Meutan le Geumpa, deungoen Tsunami
Tanle peuduli, Larang Rabbana
Neukalon Keudroe, pue ka terjadi
Muda ngoen Mudi, Wate duek Honda

Ta ue peujabat, gura han kri
Nibak buet Kropsi, Meubangga bangga
Jipike Kiban, nyan Hukom Kropsi
Sumpah ngoen janji, Bandum Di lupa

Dan laen contoh, umpama lon bri
Biat ngoen janji, sumpah seutia
Masa lam utuen, yoeh goeh Hilsinki
Meujinoe pakri, neukalon nyata
Han pue ta undang, Bala Rabbi
Hanpue ta uji, deungan Rabbana
Meuhan meu ulang, Bala Tsunami
Laen Allah Bri, Geulungkoep Donya

Puteng Beuliong, kadang sit Geubri
Meumantoeng Kropsi , Meuraja laila
Meumantoeng Maksiet, ta ingkar janji
Bala Allah bri, Bandum Tarasa

Seuramoe Meukah , Nanggroe Seurambi
Allah han neubri, Peugoet Dalupa
Han jithuen Maksiet, Peugoet beurang kri
Nanggroe Seurambi, Tanoeh Aulia

Meuhan tapateh, yang larang Rabbi
Tapreh Allah Bri, Tsunami Dua
Kon lon Peutakoet, Ayah ngoen ummi
Mudi ngoen Mudi, kon lon peusuna

Neukalon keudroe, Bukti ngoen Dali
Dalam Quraani, Firman Rabbana
Di Dalam Hadis, Rawi Bukhari
Kiban di Nabi, Na Neumeu Sabda

Meutan tasyukur, bak Nikmat Rabbi
Bala Allah bri, Meulipat Ganda
Meumada Ohnoe, Haba lon Rawi
Sulaiman. Gani. Yang Susoen Haba

( Tgk Diyueb Bruek ,Tgl 08/02/2013)