skip to main |
skip to sidebar
“ SAMBOET UROE RAYA “
Pengarang : Adi Gitulhoh/Muliadi 15 agustus 2012
Allahu Akbar 3x Walillahilham
mulai foen malam tanyoe teukeubi
sampoe troeh bengoeh yoeh goeh seumbahyang
Tapujoe Tuhan Allahu Rabbi
Uroe raya uroe keumenangan
ummat islam di ateuh bumi
sama-sama tanyoe rayakan
dengoen seumbahyang bak idul fitri
rata mesjid ureung takbiran
Allahu Akbar khen tiga kali
Walillahilham khen keusudahan
takomandangkan malam ngoen hari
tamumat jaroe ngoen rakan2
yang foen hai taulan ayah ngoen ummi
tacoem bak tu oet mohon ampunan
dua ureung nyan geunaseh Rabbi
tajak bak gure tema oeh lheh nyan
yang pebet rakan perenoe meungaji
goep nyan perenoe rukoen seumbahyang
ingat hai rakan jasa di syaikhi
ta eu aneuk miet cukoep gurangsang
toet marcon bak jalan ngoen keubang api
soek baje baro hate that seunang
ji meu en meuprang dengoen minimi
ngone bude atom tembak-tembaan
ladoem hai rakan dengoen bude ie
mandum oeh ta eu cukoep that seunang
ummat islam wajah berseri
yang dara-dara peusiap idang
karah ngoen timphan saboeh tapesi
kuweh boeh usen ka saboeh balang
geupreh cut abang troeh jak kunjongi
Adi Gitulhoh wahe e rakan
yang aseli nan chiet Muliadi
meulake meu ah bak rakan2
mohon ampunan dausa hai akhi
kadang han seumpat jak kunjoeng rakan
tanyoe salaman mantoeng rhoet FBi
samboet jaroe long ngoen hate seunang
oeh noe karangan ulon akhiri…
Minal aidin walfa izin, mohon maaf lahir dan batin
0 comments:
Post a Comment