Pengarang : Akhbar Al-Mutawassila
Assalamu`alaikum, lon puphon kalam
Pujoe keu Tuhan, Allahu Rabbi
Seulaweut Saleum, teuma ‘oh lhueh nyan
Keu pang ulee ‘Alam, Muhammad Nabi
Sang hana jadeh, nalom geuritan
Meunan khabaran, tinggai ta-ee bukti
Nibak uroe nyoe, didalam Nazam
Na 4 macam, akan lon rawi
Baci peurahti, wareh ngoen taulan
Keu peulajaran, tanyoe hai akhi
Ibnu Thaimiyah, peugah hai rakan
Deungon 4 macam, dausa jeut teuli (Hapus)
Nyang peureutama, TAUBAT geupeunan
Lakee ampunan, daripada Rabbi
Ka meunyesai, pubut larangan
Hana lee riwang, sikali-kali
Nyang keudua, ISTIGHFAR aktsaran (Banyak)
Uroe malam, beulee a’mali
Beulee taklik, uroe ngoen malam
Baca Istighfar, geuyu lee Nabi
AMAL SHALIH, keu 3 hai taulan
Ta iringkan, ‘oh lheuh maksiati
Beuta pubuet, ngon ke-ikhlasan
Hasanat geupulang, tanna Geu-heunti
Adalah MUSIBAH, nyang keu-4 teuman
Hana taharapkan, geubri lee Rabbi
Meunyoe tabah, tanyoe jalankan
Geubri Lee Tuhan, dausa Geu kurangi
Nyang keuh 4 Macam, kalon uraikan
Baci pertimbangkan, wareh ngon akhi
Meunyoe salah, peumeu’ah beurijang
Ulon Tuan,mantong Mubtadi
Cunda, 9 Oktober 2012
Subscribe to:
Post Comments (Atom)
0 comments:
Post a Comment