“ HAN EK TERAWEH “

 

Pengarang : Adi Gitulhoh

we bungkoek uyuep , dalam Alqur an
Alef dengoen Lam, meusapat dua
Assalam mu’alaikum, keubandum rakan
izin lon tuwan, tuleh cerita

wate meubuka, pajoeh makanan
kalheh meu idang, di ateuh meja
kulak boeh ubi, cagruk ngoen bak wan
bada boeh pisang, kueh meuputa

tema aneuk joek , kalang kaleng nan
meujampue keunan, ngoen boeh keupila
ie juss saboeh glah, kasiap keunan
meu macam2, di ateuh meja

wate meubuka, ka sue aleram
kiri ngoen kanan, kuweh lon raba
cagruek lon tampoe, ie juss lon hantam
sampe hai rakan, tuwoe meudoa

teka saket pruet, ule kamumang
reuoeh bak badan, ka buluet ija
makanan lam pruet, ji goyang2
sang2 hai rakan, ji meu en bola

di aneuk panah, kaji meulawan
cagruek ngoen, timphan kaji meudawa
di kalang kaleng, ji groep2 seunang
ji beudoeh timphan, ji troem uluwa

ji beu oet palet, di bada pisang
kakenoeng hantam, bak boeh kepila
di kalang kaleng, ule kamumang
rhoet babah rijang, teusuet uluwa

laju ka muntah , di ulon tuwan
sebab pajoeh makanan, hana keunira
ka teugloeng mata, rab teuka pangsan
reubah disinan ,rap hana daya

seumbahyang mugreb, siteungoeh lapan
insya hai rakan, siteungoeh dua
han ek teuraweh, saket lam badan
lethat pajoeh makanan, wate meubuka

akai lage nyan, wahe e rakan
bek sagai2, ikoet legata
yg ka terjadi bak, ulon tuwan
bek le meu ulang, nibak syedara

wate meubuka, pajoeh makanan
beule hai rakan, jeub ie Akua
seumbahyang teuraweh, bek sampe tinggai
sebab di sinan, jai that fahala

dua ploeh raka’at, tanyoe kerjakan
menan hairakan, pendapat ulama
menyoe han ek tapuebut, jumlah sidumnan
tapue buet lapan, lage khen syahra

menyoe chiet han ek, tapubuet lapan
tapubuet hai rakan, dum sanggoep gata
asai bek dawa, dua ploeh ngoen lapan
goep yg seumbahyang, tanyoe yg subra