Pengarang : Tgk Diyueb Bruek/Sulaiman A. Gani
Asalammua’laikom,, tangloeng peureuseh
Jinoe lon tuleh, saboeh Mustika
Peu ingat kawoen,, rakan ngoen wareh
Kisah lon tuleh,, hadih Mustafa
Lon coek meukeusud, lon suet keu wareh
Bek payah keudeh, kitab neubuka
Seb dalam nazam, lapan lon peuceh
Baca hai wareh , seun seun sibanja
peureuta maphoen, gaseh meugaseh
ngoen ahli wareh, sahabat lingka
ka lage nabi gaseh , keu umat
meunan hai sahbat, gaseh le gata
meuyang keudua, tatuloeng muloeng
ngoen urueng gampoeng, saudara lingka
tatuloeng laju,pat pat yang alang
tuloeng beurijang, saudara gata
teuma yang keulhe, tamubri saleum
beurangri urueng, meurumpoek gata
kareuna saleum .nabi kheun sunat
jaroe tamumat, syarat mulia
geulatoe tabri, kupi sicawan
keu rakan rakan, sahabat gata
teuma yang keu peut, tajawueb saleum
beurangri urueng, yang bri keu gata
meuyang keulimoeng, nibak undangan
atawa taulan , nibak keurija
neujak beu awai, wahe tungku droe
masalah neuwoe, habeh acara
teuma yang keunam, meubek neupeutreb
bak urueng saket ,kunjoeng le gata
neubeudoeh neujak,wahe tungku droe
keu bungoeng jaroe, bube kuasa
keu tujoeh mate, urueng meu iman
beudoeh hai taulan, kunjoeng le gata
oh lheuh ta intat, mayet u jeurat
baroe hai sahbat, gata tagisa
lapan amanah , beutroek ta intat
titipan sahbat, rakan digata
urueng yang intat, neubri syufaat
oleh hadharat, yang maha esa
meuka keuh habeh, lapan hai sahabat
wajeb ta ingat, le bandum gata
meunyan pih hadih, ulon riwayat
bukon hai sahbat, lon peuna peuna
Tgl. 15 juli 2012
Subscribe to:
Post Comments (Atom)
0 comments:
Post a Comment