Cari

Subscribe:

Ads 468x60px

Pasang Iklan Anda Disini


Thursday, February 7, 2013

PEUDEUNG ZULFAKA [R]

Alhamdulillah, Wabihamdihi
Lon Pujoe Rabbi, Sidroe yang Esa
Yang peuna peutan, ngoen bri Raseuki
Meuhat buet Rabbi, yang po kuasa

Seulawuet Saleum, akan Rasuli
Pang Ule Nabi, Khatam Ambiya
Yang Bri Syafaat, bak ule titi
Keu umat Nabi, Iseulam dumna

Samboet saleum lon, Tangloeng Kudangdi
Saleum ulon bri, Bandum Anggota
Dalam Grup Muprang, Sualan lon bri
Saidina Ali, Peudeung Zulfaka ( R )

Kiban Riwayat, Nyan Peudeung Ali
Meusoe keuh yang bri, pideung Zulfaka( R )
Meupat keuh Asai, nyan peudeung Ali
Meupue Areuti, Nama Zulfaka (R )

Kiban Seujarah, nyan Peudeung Ali
Masa ngoen Siti, Fatimah Zuhra
Masa woe lam prang, Saidina Ali
Marit ngoen Siti, Peudueng Zulfaka (R)

Masa mengadu, Saidina Ali
Neujak bak Nabi, Tuduhan Neuba
Fatimah Marit, ngoen Peudueng Ali
Kiban ngoen Nabi, Marit Zulfaka ( R )

Meuguncang Aras, yoeh Wafuet Nabi
Yoeh wafuet Siti, Meuguncang Donya
Oh kalhueh wafuet, Saidina Ali
Zulfaka(R ) Pakri, jinoe meuhoe ka

Masa Prang Kuffah, Nyan cucoe Nabi
Husen di Tadi, Yazid ceulaka
Ule geu jikoh, sipak ngoen gaki
Sinan hai Akhi, Asai phoen Bola

Padang Karbala, meunyang juet saksi
Keluarga Nabi, Wafuet seumua
Meunyangna Tinggai, Cucoe Di Nabi
Sit Meuhat Siti, Zainab Al-Qubra

Mupue lam Prangnyan, na peudeung Ali
Meukeusoe Geubri, Pulang Pusaka
Meupat keuh jinoe, nyan Peudeung Ali
Jawaban neubri, Beucukop Data

Jumlah Sikurueng, Dum Peudeung Nabi
Miseu hai Akhi, Al-Mat’thur nama
Mantoeng meusimpan, Meusium Topkapi
Sideh di Negeri, Istambul Nama

Yang ulon tanyoeng, Keu peudeung Ali
Seujarah neubri, pat Asai mula
Nama Zulfaka, Meupue Areuti
Alamat neubri, jinoe meupat ka
(Tgk Diyueb Bruek/Sulaiman.A.Gani)13/01/2013

0 comments:

Post a Comment