TEUNTANG UROE 'ASYURA

Asyura (عاشوراء)

  PENGARANG : Agam Sidroe

Seugala pujoe, meuwoe keu HADZARAT,, Yang peujeut lat batat, asoe ubena,,
Keu BAGINDA, saleum loen meuhat,,
Pemimpin ummat, ban sigom donya,,

Mandum KELUARGA, meunan syit SAHABAT,,
Saleum loen intat, keu 'ALIM 'ULAMA,,
Ayah ngoen Poma, rakan ngoen sahbat,,
Yang na bak teumpat, pujoe RABBANA,,

Uroe MULIA, tacoek beureukat,,
Haba meu surat, seun-seun sibanja,,
Kata mutiara, PAHALA meulipat,,
Uroe SEULAMAT, TAUBAT NASUHA,,

Adoe deungoen A, deungoe beu get that,,
Kisah awai that, uroe ASYURA,,
10 peuristiwa, saboh alamat,,
Sampoe inoehat, dithee bak donya,,

Pertama phoen, Rabboen teurimoeng taubat,,
NABI ADAM meuhat, gleh bak dosa,,
Dosa yang raya, larang HADZARAT,,
Godaan yang brat, laknat RABBANA,,

Teuma keudua, NABI IDRIS Neu angkat,,
Keudeh bak teumpat, langet keu dua,,
Pujoe yang Esa, sinan Ibadat,,
Sampe jinoehat, golom geu bungka,,

Teuma yang ke lhee, teuntee neu ingat,,
NABI NUH seulamat, ka dari bala,,
40 keuluarga, keunan meusapat,,
Meunan riwayat, takaloen fakta,,

Peristiwa keu peut, deungoe hai sahbat,,
NABI IBRAHIM seulamat, apui yang raya,,
Nabi di siksa, raja dzalem that,,
NAMRUD teucatat, sidroe di raja,,

Yang keu limoeng, Neu terimoeng Taubat,,
NABI DAUD salah brat, karhoet lam dosa,,
Taubat nasuha, masa meu abad,,
Timoeh bak teumpat, kheundak Rabbana,,

Ke nam NABI ISA, U langet teumpat,,
Allah Neu angkat, dari rhueng donya,,
Jeu oeh bak bala, Nabi seulamat,,
Dari pengkhianat, sidroe YAHUZA,,

Yang keu tujoeh, troeh saboh mukjizat,,
NABI MUSA selamat, lam laoet raya,,
Keujaran masa, dalam riwayat,,
Raja Dzalem that, ngaku pencipta,,

Keu lapan, meutimphan yang peubuet laknat,,
FIR'UN ka tamat, lam laoet raya,,
Meunan syit HAMAN, yang ka meucatat,,
QARUN meulipat, sigoe ngoen harta,,

Keu sikureung, kheundak sidroe HADZARAT,,
NABI YUNUS seulamat, tebiet U lua,,
Eungkoet yang raya, ingat beu legat,,
NUN ka meuhat, meucatat nama,,

Keu siploeh, meuwoe keulai pangkat,,
NABI SULAIMAN meuhat, dalam istana,,
Haba peusuna, sidroe pengkhianat,,
Sampe BAGINDA, dirhom u lua,,

Haba loen rika, fakta riwayat,,
Dalam hikayat, 'oh noe meumada,,
Na salah kata, meu'ah hai sahbat,,
Maklum loen teumpat, salah dan hina,,

Nanggroe Atjeh Darussalam : 9 Muharram 1434H 

^ KEULEUBEHAN UROE 'ASYURA ^
PENGARANG : Akhbar Al-Mutawassila

Tapujoe Allah, tiep-tiep kutika
Seubagoe tanda, rasa penghambaan
Seulaweut saleum, beuna tabaca
Keu Rasul Musthafa, Nabi nyang khatam

Assalamu'alaikum, ulon neuk sapa
Tuha ngon muda, inoeng ngon agam
Jaweub saleum lon, wahee syedara
Nak leumah nyata, tanyoe meurakan

Indra Puri, di Aceh Raya
Matang Glumpang dua, sideh peusangan
Ulon neuk peugah, bak wareh lingka
Uroe 'Asyura, jai keuleubehan

Pajan keuh geukheun, uroe 'Asyura
Nyang keuh saudara, bak siploeh Muharram
Meusoe tem pubuet, amal shaliha
Raya that fahla, geubri lee Tuhan

Dalam iyanah, baci neubaca
Neucok keuh makna, didalam matan
Tempat nyang pasti, dalam juz dua
Dua-Nam-Tujoh syahra, nomor halaman

Siuroe puasa, Lillahi ta'ala
Geubri fahala, sithoen ganjaran
Meunan chit juga, Qiyamul Laila
Meugunca-gunca, geubri balasan

Seumbahyang sunat mutlak, soe nyang keurija
4 raka'at saja, dua goe salam
'Oh lheuh fatihah, qulhu geubaca
51 keunira, jumlah bilangan

Allah geubalah, keupada Hamba
5 thoen dausa, geubri amponan
Lee laen lom, nyang jeut ta-keurija
Lon atoe banja, didalam nazam

Soe nyang seudeukah, keupada Fuqara
Bak uroe 'Asyura, ngon keridhaan
Hana deuk-grah, lam huroe-hara
Oh Kiamat teuka, na keuseulamatan

Keu aneuk Yatim, soe nyang meunderma
Ateuh keupala, geubri usapan
Seu olah-olah, bak Allah Ta'ala
Kalheuh meunderma, keu-mandum bani Adam

Jai lom keuleubehan, uroe 'asyura
Han mungken syedara, mandum takarang
Meunyoe lon peusak, panyang that haba
Beu'oe nyang baca, dan juga bosan

Nakeuh Banda Aceh, awai Kuta Raja
Yoeh Iskandar Muda, geuduek keu Sulthan
Nazam ulon nyoe, baci pareksa
Pat salah haba, neubri thei rijang
=======================
Lhokseumawe, 23-11-2012