Pengarang : Akhbar Al-Mutawassila
Tsabet pujoe, keupada Tuhan
Uroe malam, tiep kutika
Keu Rasulallah, seulaweut salam
Al dan Ikotan, nyang seutia
Assalamu’alaikum, wareh taulan
Jamak sapaan, tuha muda
Seupot uroe, lon postingkan
Dalam Nazam, nasehat lon ba
Donya nyoe, ibarat laotan
Peu-layaran, mandum manusia
Akan tajak, saboh tujuan
Nyoe perjalanan, ji’oh lagoina
Beuta pateh, sigahla arahan
Beuteugoeh rakan, arong samudra
Pareksa sabee, nakoeng tiang
Bek keuceulakaan, tiba-tiba
Umbak laot, kayeem datang
Beuna persiapan, wareh syedara
Bila geulumbang, ka jihantam
Ateuh keusulitan, gata saba
Nyang lewat, troek tujuan
Lewat arongan, teunte bahgia
Teuma ladoem, lee karam
Salah seutelan, nibak behtra
Balek Buhu, Pakhoek pih meunan
Tasambong teuman, Jalan calitra
Meunyo lagee sot, ureung bosan
Ka-keusuletan, peucanek haba
Sigoet-goet beukai, Wahee syedara
Adalah Taqwa, keu ‘Azza wajalla
Pubuet suroh, meulomba-lomba
Larang Ta’ala, bek keurija
Ta’E jinoe, dalam donya
Tamak loba, meuraja-lela
Ladoem sibok, peucroek harta
Adak Riba, geulet saja
Laen teuma, aneuk muda
Meu-cinta, leumpah gura
Tiep uroe, meu wa-wa
Ateuh Honda, sabee jiba
Jai ka, nyang seungsara
Mala peutaka, ka jirasa
Ka meunyesai, ayah ngon ma
Aneuk dara, ka mala
Jaga droe, gata dara
Beu-tajaga, batah agama
Beuta su on, maruah gata
Nak mulia, dalam donya
Meunan chiet, para pemuda
Muda balia, harapan bangsa
Jaga sikap, dan bahasa
nakeuh gata, gantoe nyang tuha
Di Takengon, pacuan kuda
Tuha Muda, keunan mata
Oh noe, sep rika
Akhbar Mutawassila, mantong pemula
Cunda, 28 September 2012
Subscribe to:
Post Comments (Atom)
0 comments:
Post a Comment