Pengarang : Akhbar Al-Mutawassila
Suci ngon pujoe, milek Allah
Chiet hana ubah, silama-lama
Seulaweut-Saleum, keu Rasulullah
Keupada Sahbah, dan keluarga
Nibak uroe nyoe, deungon Bismillah
Lon intat naskah, dalam group tercinta
Bacut Nazam, beujeut faedah
Allah bri hikmah, keu tanyoe dumna
Dua uroe treuk, uroe 'Arafah
Puasa Sunnah, sunnat keurija
Soena kuasa, pubuet beubagah
Allah balah, han sia-sia
Keu nyang puasa, nabi geupeugah
Abu Qatadah, nyang rawi haba
Dosa ulikoet, sithoen nyang sudah
Ngon sithoen leumah, geusampoeh teuma
Syarat neupubuet, kareuna Allah
Bek harap balah, bak manusia
Kon seubab riya, puasa sunnah
Sunggoh Allah, akan geuteurima
Pubuet rukon haji, sideh di Mekkah
Uroe 'Arafah, geu Wuquf teuma
Lon pada Nazam, Et noe hai sahbah
Pat nyang salah, neuteugor sigra
Lhokseumawe, 7 Dzulhijjah 1433 H
Subscribe to:
Post Comments (Atom)
0 comments:
Post a Comment