‎~ CUBA PHAM DO'A/AYAT SEUMBAHYANG ~

Pengarang : Akhbar Al-Mutawassila

Deungon Bismillah, lon mula rika
Keu Allah Ta'ala, mandum pujian
Ateuh Muhammad, Rahmat sijahtra
Neubri bek reuda, wahee Ya Tuhan

Buhu lon atoe, meubanja-banja
Nak mangat baca, haidai ngon taulan
Sira lon piyoeh, nibak keurija
Lon cuba rika, Mau'idhah keu rakan

Sunggoh indah, oh tapeu makna
Mandum do'a, ayat seumbahyang
Watee meukalam, indah lagoina
Jalinan "Rasa", Makhluk ngoen khalqan

Beu Ek tafaham, nyang tabaca
Wahee saudara, mangat seujalan
Ayat seumbahyang, konlah mantra
Watee tabaca, Tasdiq hai taulan

Pakhoek lon ubah, Buhu pih meuri
Nak mangat rawi, seunambong haba
Adak neubaca, neu ulangi
Kana seni, didalam rika

Watee tabaca, ikrar janji
Bak innaa shalatii, wa Mahyaaya
Hatee geutanyoe, bek ula-uli
Sebab Rabbi, geutuntut teuma

Meunan chit tahyeut, ee Wahee akhi
Nyan ta-seurahi, keu Allah ta'ala
Bek teungoh tajoek, pikiran meurawi
Teungoh meuncari, atra donya

Ateuh bak panjoe, ticem meunari
Aneuk keudidi, meusuka riya
Nazam uroe nyoe, ulon padai
Meu'ah akhi, pat salah haba

Lhokseumawe, 16-10-2012