~ MINGGU ABEH ~
Pengarang : Akhbar Al-Mutawassila
Assalamu'alaikum, Warahmatuhu
Saleum lon rireu, keu wareh lingka
Banmandum pujoe, keu sidroe tuhanku
Rahmat neutabu, keu Rasul Mustafa
Singoeh hai rakan, chiet uroe minggu
'Oh lheuh nyan laju, ka lam puasa
Nyang ka-ka lon Ee, wahee Ee teungku
Lee yang meureunu, meu wa-wa ngoen honda
Watee ta tanyoeng, pakoen meunan Laku
Minggu abeh hai teungku, dijaweub haba
Yang tahireun, nyan ka meucuhu
Ngon Honda meureunu, mudi ngon muda
Hana faedah, geupeugah lee teungku
Lagi tan geuyu, dalam agama
Keupeu lagee nyan, gata a'malu
Para Indatu, Yoh awai hana
Ureung Yahudi, nyang na peulaku
Ji suet sileuwu, meuhura-hura
Geutanyoe rakan, tapeubut keupu
Hireun teuh ta Eu, meunan cara
Meunyoe alasan, peu puwah nafsu
Seubab hai teungku, karab puasa
Meunyan alasan, ka salah laju
Nafsu hai teungku, geuyu prang bak gata
Hana peureule, peuleumah hayeu
Jika hai teungku, akan lee dausa
Meuhan tapateh, ci pubut laju
Baroe neuteupu, 'Oh Tuhan Murka
Lon pada Oh noe, haba peuteupu
Neupikee laju, nak bek rhoeh gata
Adak ka meujanji, ngoen si Dek Ayu
Peubatee Laju, nak bek teumeureuka
CUNDA 14 JULI 2012
Friday, February 8, 2013
Subscribe to:
Post Comments (Atom)
0 comments:
Post a Comment