Pengarang : Jay Rangkang
salam'alaikom narid loen yg phon
salem loen lambong mandum syedara
yg na di kuta atawa gampong
meu'ah keu ulon nyoe salah rika
ureung dalam blang geupula pade
ureung dalam gle campli ngon lada
te'u donya nyoe sang katoe akhe
yang ganje-ganje le that ka teuka
agam ngoen dara hana male le
tib uroe sabe meujak-jak dua
disok pakayan keutat bukon le
male hana le di kawom hawa
poma ngoen ayah getham hana le
dak han diwoe le geuseutot hana
meutamah bangga senang that hate
sibungoeng pade kana soe ba-ba
boh mamplam putik mangat2 ta tek-tek
boh mamplam kulek mangat taba-ba
lethat dum lahe si adek bayek
tatanyoeng yang bek,ayah jih hoka
nyoe keuh tanda donya kiamat
bacut alamat uloen peunyata
meunyoe na salah jaroe tamumat
uloen di teumpat meu'ah le sigra..
ohnoe keuh yang jeud haba loen sirat
didalam surat panton lon rika
menyoe na salah nyoepat alamat
peureulak tempat uloen sabena...
>>>>>>jay 07-02-2013.<<<<<<
Subscribe to:
Post Comments (Atom)
0 comments:
Post a Comment