FAHLA PUASA

Pengarang : Tgk Diyueb Bruek/Sulaiman A. Gani

Alham Dulillah , Wabihamdihi
Lon Pujoe Rabbi,Azawajalla
Seulaweut Saleum ,Akan Rasuli
Pang Ule Nabi, Khatam Ambiya

Salam a`laikoem, Saleum ulon bri
Ayah ngoen Ummi, Duson ngon Kota
Saboeh Mustika,Hajat lon Rawi
Nyoe Hadis Nabi, ulon boeh Makna

Fahla Puasa, Neukheun le Nabi
Fahla Tuhan bri, Hanasoe hingga
Bandum Ibadat , untuk Ummati
Terkecuali, Fahla Puasa

Rasia Tuhan, Hansoe keutahui
Fahla yang Neubri , Hanjeut tahingga
Ulon boeh makna , Hadis Kudsi
Pang Ule Nabi, Meunoe Meu Sabda

Soe yang Puasa, ngoen tersembunyi
Sayeup Tuhan bri, dalam Syuruga
Jeut Tateureubang , kian keumari
Syuruga tinggi, Ban suka gata

Dan lom neupeugah, ka oleh Nabi
Di ateuh titi, han pue jak gata
Han pue talalu, di ateuh titi
Kuasa Rabbi, bebas keu gata

Hana meureumpok,gata ngoen titi
Seureuta lagi, geuhisab hana
Meusaboeh Payoeng, gata ngoen Nabi
Liwa Ul-Hamdi, Peupayoeng Gata

Meunan tamsilan, fahla Tuhan bri
Keu Umat Nabi, yang tem Puasa
Sidumnan bebas, Tuhanku neubri
Syuruga tinggi, pulang keu Gata

Syuruga Lapan, keu gata geubri
Bebas han sakri, tamoeng hoe suka
Jannatun Adnen, indah han sakri
Seureuta lagi, Jannatun Ma`wa

Dan loem geupulang, Budiya dari
Nurulhayati, yang khadam gata
Seureuta bebas, keu gata geubri
Ie mon Hayati, Ie krueng Kalkausa

Dumnan balasan, Tuhanku Neubri
Meupakon tapi, han Tapuasa
Han Tatem Pubuet, Peurintah Rabbi
Tatem Ikuti, Syetan Peudaya

Han Tatem Syukur, Rahmat Ilahi
Maka di Rabbi , Neupeutroen Bala
Meumacam bagoe, Geutanyoe geubri
Peutroen Tsunami, Ka deungon geumpa

Mulai thoen nyoe, Bekle terjadi
Aceh seurambi, meukah mulia
Neu buka waroeng, neumeukat kopi
Syariat islami, neuta'at beuna

(Tgk Diyueb Bruek )tgl 13 Juli 2012