Cari

Subscribe:

Ads 468x60px

Pasang Iklan Anda Disini


Monday, February 11, 2013

¤ 3 MACAM TANDA BAHGIA ¤

Pengarang : Akhbar Al-Mutawassila

Alhamdulillah, lon pujoe Tuhan
Nyang peuna khalqan, ban sigoem donya
Nyang peujeut bumoe, hana meutiang
Gunong keu labang, nak teutap donya

Seulaweut saleum, dudoe 'oh lheuh nyan
Akan janjongan, rasul Musthafa
Pang ulee Nabi, rasul yang khatam
Neulimpah Ya Tuhan , silama-lama

Assalamu'alaikum, ulon mulakan
Keu handai taulan, lam donya maya
Hana meubeda, inong ngon agam
Banmandum saban, lon peumulia

'Oh lheuh Langsa, Kuala Simpang
Lheuh nyan Medan, Sumatra Utara
Nibak uroe nyoe, didalam Nazam
Asoe Al-Hikam, ulon peu-khaba

3 boeh tanda, nyang keu"bahagia"an
Geubri lee Tuhan, keupada hamba
Meusoe meusahoe, banmandum 3 nyan
Meutuah that taulan, tuboh gata

Nyang peureutama phoen, sabee kemudahan
Pubuet kebaikan, padahai niet hana
Teuma kedua, akan kesukaran
Geupeusee lee Rabban, watee pubuet munka

Teuma nyang ke-3, geubri kemudahan
Hajat keperluan, teukaboi sigra
Bak watee sosah, teubuka jalan
Seubab ureung nyan, geuneuk peu bahgia

Nazam lon pada, adak tan panyang
Peunteng kesimpulan, ka meuhoe punca
Sigoe-goe kamoe, dalam meungarang
To the point rakan, hana meuputa-puta

Lhokseumawe, 22 Januari 2013

0 comments:

Post a Comment